Anu diaos di dieu elmu ngaakidahan Alloh anu kapanggih ku dalil akal jeung aya dalil naklina. Numutkeun susunan golongan Maturidiyah aya 20 Sifat anu wajib di Alloh, nyaeta Nafsiyah 1, Salabiyah 5, Ma’ani 7, Maknawiyah 7. Mun aya beda itunganna jeung golongan anu sejen, misalna jeung golongan Asyairoh, eta mah dina ngabilang jeung nyebutna hungkul, lain dina nekadkeunana.

Dalil akal ngan bisa nyimpulkeun tina ayana makhluk nepi ka ayana anu nyiptakeunana. Ari anu ngawajibkeun nekadkeun ayana, eta mah dalil nakli, kitu oge anu nuduhkeun eta nu nyiptakeun teh jenenganna Alloh, dalil nakli lain dalil akal.

Dalil nakli oge anu nuduhkeun cara sangkan aqidah ceuk syar’an bisa jadi aqidah ceuk syar’i, tur iman bisa nepi kana rasa; dalil akal mah teu bisa nuduhkeun ka dinya.

plus-circle Add Review

comment

Reviews